Esparello
Hieracium ucenicum
Asteraceae Compositae
Nom en français : Épervière.
Descripcioun :Aquesto esparello trachis en mountagno dins li paret e li roucas. Fai partido dóu group AMPLEXICAULIA qu'an de fueio emé de péu glandoulous. Pamens a pas tant de péu glandoulous que Hieracium amplexicaule. Li fueio soun un pau dentado e lou recetacle porto proun de ciho (fotò).
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Erbo
Taio : 10 à 30 cm
Fueio : basalo
Tipe bioulougico : Emicriptoufite
Cicle bioulougico : Planto renadivo
Gènre : Hieracium
Famiho : Asteraceae
Famiho classico : Compositae
Tribu : Cichorieae
Ordre : Asterales
Coulour de la flour :
Jauno
Petalo : >6
Ø (o loungour) flour : 2 à 3 cm
Flourido : Printèms
- Estiéu
Sòu : Ca
Autour basso e auto : 400 à 1800 m
Aparado : Noun
Mai à avoust
Liò : Paret
- Roucas
Estànci : Subremediterran à Subaupen
Couroulougi : Mediterranenco-Mountagnouso-Nord-Ouèst
Ref. sc. : Hieracium ucenicum Arv.-Touv., 1888
Treinasso(-de-Castiho)
Agrostis castellana
Poaceae Graminaceae
Autre noum : Gramenet.
Noms en français : Agrostide de Castille, Agrostide.
Descripcioun :La treinasso-de-Castiho trachis dins li pelouso e li pinedo sus sòu séusous. Èi pas uno planto di proun coumuno au nostre, aleva justamen en "Prouvènço séusouso". Ramentèn que lis Agrostis fan d'enflourejado en brout (paniculo) emé d'espigueto qu'an uno souleto flour. Aquesto treinasso fai parti dóu group emé uno palea un pau grando (>1/3 de la lemma), emé un rizoumo (courtet eici). Se destrìo de A. capillaris bonodi sa ligulo pu longo que 2,2 mm (e larjo) e sis enflourejado pas tant vióuleto.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Grando erbo
Taio : 15 à 80 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo
Gènre : Agrostis
Famiho : Poaceae
Famiho classico : Graminaceae
Ordre : Poales
Coulour de la flour :
Verdo
Petalo : ges
Ø (o loungour) enflourejado : 4 à 18 cm
Flourido : Printèms
- Estiéu
Sòu : Si
Autour basso e auto : 0 à 2200 m
Aparado : Noun
Mai à setèmbre
Liò : Pelouso
- Pinedo
Estànci : Termoumediterran à Mountagnard
Couroulougi : Bourealo
Ref. sc. : Agrostis castellana Boiss. & Reut., 1842
(= Agrostis capillaris subsp. castellana )
